Pepindhan

Pepindhan iku unèn-unèn jroning Basa Jawa kang ora ngemu surasa kang sejatiné. Yèn ing basa Indonésia disebut pengandaian. Lumrahé pepindhan nganggo tembung: kaya, lir, pindha, kadyalan liya-liyané kang ngemu karep kaya.  Pepindhan asring digunakaké ing pacelathon padinan, panyandra jroning adicara pengantènan utawa jroning babagan sastra.

Tuladha :

01. Abang kumpul pådhå abang - kåyå alas kóbóng

02. Abangé - kåyå gódhóng katirah

03. Agungé - kåyå samodra rób

04. Akèhé pêpati - kåyå babadan pacíng

05. Akèhé pêpati - kåyå sulúng lumebu gêni

06. Akèhé lêlara - kåyå kêna pageblúk

07. Ali-aliné - nggunúng sapikúl

08. Alusé - kåyå sutra

09. Antêngé - kåyå têmantèn ditêmókaké

10. Ayuné - kåyå Dèwi Ratíh

11. Bagusé - kåyå Bathårå Kamåjåyå

12. Bangoné - awangun gêdhang salirang

13. Banteré - kåyå angin

14. Bêbêdané - ngadhal mèlèt

15. Bédané - kåyå bumi karo langít

16. Bêgjané - kåyå nêmu êmas sakêbo

17. Bêgjané - kåyå nêmu cêmpaka sawakúl

18. Bungahé - kåyå kêtiban ndaru

19. Cahyané bingar - kåyå lintang johar

20. Cahyané nglêntríh - kåyå rêmbulan karainan

21. Cêp klakêp - kåyå óróng-óróng kêpidak

22. Cêthilé - kåyå cinå craki

23. Cumlórót - kåyå lintang alihan

24. Cumlórót - kåyå ndaru